Youth Icon-ah Lalsangliana

LPS Youth Icon 2024 thlanna chu Inrinni zan khan LPS Arena, Falkland, Aizawl-ah zawhfel a ni ta a, Lalsangliana (Taitea) chu LPS Youth Icon 2024 atana thlan niin amah hi Serchhip District a Bawktlang khua a ni. Youth Icon 2024 thlanna ah hian Peter Lalnunpuia (College Veng, Aizawl) chu pahnihna niin Serchhip District-a Thentlang khua Lalbiakkima chu pathumna a ni bawk. 

Mizoram-a Reality Television Show hmasa ber Youth Icon thlanna hi kum 2006 atangin vawi 6 buatsaih a ni tawh a, Serchhip District atangin tum 4 zet pakhatna lawmman hi la tawhin kum 2006-ah Zoramchhani (North Vanlaiphai), kum 2007-ah Malsawmtluangi (Bungtlang), kum 2012-ah H. Lalrempuia leh kumin 2024-ah Lalsangliana ten lawmman hi an la tawh a ni.