Thenzawl DFO hovin National Wildlife Week hmang

Tun thla ni 2 atanga hman ‘National Wildlife Week 2024’ hman chu nimin khan Thenzawl Forest Division-ah pawh a kharna hun hman a ni.

Enviroment, Forest & Climate Change Department buatsaihna he hapta kharna hun hi Govt. Thenzawl H/S-ah neih niin he hun hmanpuitu Thenzawl Forest Division-a DFO R. Lalnungrenga MFS chuan ramngaw leh nungcha humhalhna kawngah Department chauh ni lovin khua leh tui zawng zawng ten mawhphurhna kan neih thu a sawi a. National Wildlife Week 2024 thupui ‘Wildlife conservation through coexistence’ tih chu naupangte hriatthiam theih turin a lem nen a entir a, kan ramngaw leh nungchate nen a kan inrin tawnna ‘Food web’ chungchang te pawh sawifiahin, Conservation leh coexistence awmzia te naupangte a zirtir bawk. Hei bakah hian Mizorama Protected Area kan neih te pawh naupangte hi hrilhin, tunlai a kan nungchate an chereu nachhan ber, ramvah leh ramsa leh Sava veh nasat chungchamg te leh a nghawng tha lo te a sawi bawk a. Wildlife Preotection Act in a nungchate a humhalh dan te pawh he hunah hian a sawifiah bawk a ni.

National Wildlife Week hi kum 1952 atang khan hman thin a ni a, kumtin thupui hrang hrang hmanga inzirtirna neiin October 2 atanga 8 chhungin hman thin a ni a, kumin-a he Hapta hman chhung hian Thenzawl DFO hnuaia Forest Range hrang hrangte pawhin hun an hmang a ni.