Presbytery Inkhawmpui tan

Mizoram Presbyterian Kohhran Inkhawmpui lian ber dawttu Presbytery Inkhawmpui chu nimin atang khan Presbytery hrang hrang 41-ah neih ta ni a, tunkar Pathianni zan thleng khi a awh ang.

Presbytery Inkhawmpui-ah hian nimin khan Upa Nemngheh tur Exam neih niin chhun lamah Standing Committee, Pastoral Committee leh Nomination Committee te an thu a, nizan atang khan Pathian Biak inkhawm neiin Vawiin hian Presbytery Rorel neih a ni ang.

Chhimchhak Presbytery Inkhawmpui vawi 101-na pawh Serchhip Kawnpui Kohhran Biak In-ah neih mek a ni a, thupui atan ‘Kohhran Inpumkhatna’ tih chu hman Chhimchhak Presbytery hian an kum 100 tlin lawmna chu naktuk, Inrinni khian an nei nghal dawn bawk a ni. Chhimchhak Presbytery huamchhungah hian Pastor Bial 5 an awm mek a, Serchhip Bial bakah Serchhip Vengchung Bial, New Serchhip Bial, Chhiahtlang Bial leh Chhiahtlang Kawn Veng Bial te an ni.