Awareness Campaign nei leh

Serchhip Sub-Hqrs. YMA-a Training and Youth Affairs Committee chuan nimin khan Marian H/S Serchhip-ah Awareness Campaign an buatsaih.

Nimin-a Awareness Campaign-ah hian Resource Person atan Dr. Vanlalchhanhimi MCS leh ZD. Vanlalhumi te hman niin zirlaite chu Profession hrang hrang- Academic, Engineering, Medical, Civil Services leh Forces lama luh dan te zirtir an ni a, hei bakah hian Social Media hman thiam tum tur leh tul loa hun tam tak Mobile Phone khawih nana hmang lo tura chahin, an thil tawn apiang te Social Media a post zung zung lo turin an chah bawk a. Zirlaite chu tum mumal tak nei chunga lehkha zir tura chahin, an tum tihlawhtling tura tumruhna nen taimak chhuah turin an fuih bawk a ni.