PCI leh BCM ten NEICC tawngtai rualna hun hmang

Nimin October thlaa Pathianni vawi thumna kha North East India Christian Council (NEICC) tawngtai ni a nih angin Mizoram Presbyterian Kohhran leh Baptist Church of Mizoram (BCM) te chuan tawngtaina hun an hmang a, Mizoram Presbyterian Kohhran chuan 'Danglamna inpawmsak' tih thupui-ah hmangin Baptist Church of Mizoram chuan  'Krista Chanchin tha nena inmawi' tih chu thupui-ah an hmang thung a, heng thupui hmang hian thuchah ngaihthlak anih bakah tawngtai rualna hun an hmang a, NEICC pual hian thilpek lakkhawm a ni bawk.

North East India Christian Council (NEI-CC) hi kum 1937 khan Assam Christian Council tiin din a ni a, kum 1962 khan North East India Christian Council (NEICC) tiin a hming hi thlak a ni. NEICC thil tum ber chu Kohhran inpum-khatna, in unanauna tha siam a ni a, a tul huna ram rorelna leh sawrkar hmaah pawh hmarchhak Kristiante aiawha ding thinin Member ni tur hian Kohhran member 5000 tal an nih a ngai a, tunah hian member 51 an awm mek a ni.