N. Vanlaiphai-ah MCAB hawng

Hrangturzo Bialtu MLA leh Adviser to Chief Minister Lalmuanpuia Punte chuan nimin khan a bial chhung North Vanlaiphai-ah Mizoram Cooperative Apex Bank (MCAB) Branch thar a hawng.

North Vanlaiphai-a (MCAB Branch thar hawnna hun hi MCAB Chairman Lalnunsanga chuan kaihruaiin bialtu MLA Lalmuanpuia Punte chuan a Bial chhunga MCAB ten Branch thar an hawng chu lawmawm a tih thu leh sawrkar in Ban-a kaih Policy a kalpui turah pawh mipuite tana tangkai tak a nih a beisei thu a sawi bawk.

Mizoram Cooperative Apex Bank Ltd. hi July 31, 1982 khan Mizo mipuite Bank hmasa ber tura din a ni a, nimin-a North Vanlaiphai-a Branch thar hi Branch 29-na niin MCAB hian Mizo tawng-a chhiar theih ATM neiin ATM Booth hi hmun 38-ah enkawl mekin North Vanlaiphai Branch hi ATM Booth keng tel nghal tur a ni a. Serchhip District-a MC Apex Bank Branch 3-na niin thawktu 3 leh Security Guard 3 nena bul tan tur a ni.

Tun dinhmunah Apex Bank hian Deposit cheng vbc. 1534.42 atangin Loan cheng vbc. 1206.49 pein Deposit dawn atanga Loan pekchhuah tehfung (CD Ratio) hi 78.63% a ni a, Mizoram Bank-ah pawisa dawn atanga teha loan pechhuak tha ber an ni.