World Sight Day hman a ni

National Programme for Control of Blindness & Visual Impairment (NPCBVI) in kumtin October 10-a ‘World Sight Day’ an hman thin chu nimin khan Thenzawl-ah hmangin a thlawna Mit entirna neih nghal a ni.

NPCB&VI State Programme Office, Aizawl buatsaiha Thenzawl Joint YMA Hall-a hun hman hi Thenzawl CHC-a Medical Officer Dr. Samuela chuan kaihruaiin Thenzawl a Govt. Primary School atanga High School zirlaite an tel a, State Programme Officer Dr. Lalnuntluangi Khiangte chuan he ni thupui ‘Naupangte u, in mit duat rawh u’ tih thupui hmangin thu a sawi bawk a ni.

He hunah hian Aizawl atanga Eye Specialist rawn kal Dr. C. Lalduhkimi leh NPCB& VI Staff bakah Serchhip leh Thenzawl-a thawktu ten a thlawna Mit entirna hun hawngin mi 400 chuang an Mit en sak an ni a, a mamaw te hnenah Tarmit pek nghal an ni bawk.