Mahatma Gandhi piancham

Zonuna Kawlni /

Nimin October 2, 2024 kha ‘India Hnam Pa’ Mahatma Gandhi a pianchamphaphak vawi 155-na a ni a, hmun hrang hrangah amah zahna lantirin hun hman a ni.

Aizawl-ah chuan Governor Indra Sena Reddy Nallu bakah Mizoram Sawrkar mi pawimawh ten PUC Campus, College Veng-a Mahatma Gandhi a Lim-ah Zahna pangpar dahin hun an hmang a, an zingah hian Mizoram Assembly Speaker Lalbiakzama; Minister panga – Vanlalhlana, C. Lalsawivunga, Dr. Vanlalthlana, Lalthansanga, Prof. Lalnilawma bakah Assembly Deputy Speaker Lalfamkima te an tel a. Chief Secretary Dr. Renu Sharma leh Sawrkar hotulu dangte pawhin he hunah hian zahna an lantir bawk a ni. Mahatma Gandhi pianchampha, October ni 2 hi United Nations in kum 2005 khan ‘International Day of Non-Violence’ ah a lo puang tawh a ni.

Nimin October 2 kha Prime Minister hlui Lal Bahadur Shastri pianchampha vawi 120-na a ni bawk a, a hriatrengna hmun, Vijay Ghat-ah ram hruaitu ten zahna chibai bukin Pangpar an dah ve bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »