Hachhek Bialtu MLA in Kuhva chin chungchang sawipui

Hachhek Bialtu MLA Robert Romawia Royte chuan niminpiah tlai khan Central sawrkar Agriculture Ministry-a Horticulture Commissioner Dr. Prabhat Kumar kawmin Mizoram-a Kuhva chingtuten kuhva tam hri avanga harsatna an tawh mek dan leh Mizoram-a Kuhva chingtuten a rah hring hralhna an harsat thute a thlen a. Horticulture Commissioner hian kuhva chin belh zel chu khap a nih loh thu leh sum chang thlai pawimawh a nih thu Hachhak Bialtu MLA hi a lo hrilh tih a PA chuan a sawi a, Kuhva tihhlasawnnan leh a hri venna leh tihdam kawnga hma an lak dante pawh a lo hrilh niin a sawi bawk a. Hachhek bialtu MLA ngenna anga Central Sawrkara Expert Committee te chu Hachhek Bial a harsatna zirchiang tura tirh ngei a tum tih a lo hrilh bawk.

Hachhek Bialtu MLA hian Agriculture Ministry-a Horticulture lam changtu Joint Secretary Prya Ranjan pawh kawmin Kuhva chingtute aiawha Kerela leh Karnataka zin dan turte leh thlai thar sawngbawlna chungchangte a sawipui bawk.