Kumtlinglo tang mi 3 hmuhchhuah an ni

Mizoram-a Tan In hrang hranga kumtlinglo dah an nih leh nih loh enfiahna ah naupang kumtlinglo nia insawi mi pathum hmuhchhuah an awm a, finfiah tura hmalak tum a ni. Niminpiah khan Aizawl District-a Jail Inspection Team te chuan Aizawl-a Jail pathum- Aizawl District Jail, Central Jail for Women leh Central Jail te an tlawh a, hetah hian naupang Jail a khung an nih leh nih loh an thlithlai a, Aizawl District Jail-ah naupang kum tlinglo nia insawi pahnih an awm a, amaherawh chu Documentary Proof an neih loh avangin an chungchang hi bawhzui tura hmalak a ni. Central Jail for Women-ah pawh a thil tihsual laia kumtling lo nia insawi, nikum February thla atanga lo awm char char tawh pakhat a awm bawk a, man anih lai hian a insawi upa niin a sawi a, hei pawh hi a chungte hnenah finfiahna dil tum a ni bawk.