Karleh atangin sumdawng Motor ten tlan loh an tum

Mizoram Commercial Vehicle Union (MCVU) General Headquarter Executive Meeting chuan karleh Thawhtanni, October ni 14, 2024 atangin Commercial Vehicle zawng zawng an ding dawn tih an an sawi.

Hemi chungchanga thuchhuah an siamah MCVU chuan Oil man sang tihniam tura Chief Minister leh Taxation Minister an hmuh hnuah an hlawhchham tak avangin Oil man tihhniam a nih hma chu October ni 14, 2024 atangin tiamchin awm loin an ding tawh tih an tarlang a, District tinah Duty an in-dah vek dawn tih an tarlang bawk. Oil man a hniam theih nan a tawp thlengin an tang dawn tih leh sumdawng motor zawng zawng rate tihsan a nih chuan, ni tin mamawh ei leh bar zawng zawng a nghawng nghal dawn avangin mipuite harsatna siam tlem zawngin motor fare hrang hrang tisang lova Oil man tihniam tura ngen zawk an nih thu leh an a hlawhtling ta lo erawh pawi an tih thu an tarlang a ni.

MCVU chuan sawrkarin Projected Additional Revenue cheng vbc 92.84 lai mai hmuh an tum avanga Zoram mipuite an sawrfu chu an hrethiam thei lo tih tarlang bawkin, “Kawng chhe bawk, Oil man sang bawk avang hian Oil man tal a hniam loh chuan lost in kan tlan thei ta lo a ni,” an ti bawk.