Inpumkhat tul tih thu sawi

Pâng Zirlai Pawl (PZP), Joint Hqrs. Aizawl buatsaihin Inrinni khan Aizawl-a I&PR Auditorium-ah zirlai tharte lawmluhna leh zirlai tithate lawmpuina hun hman a ni a, he hun hi District Council & Minority Affairs (DC&MA) Minister C. Lalsawivunga chuan khuallian nia hmanpuiin Mizoram-a chibil leh hnam peng hrang hrang awmte chu Mizo kan nihnain min phuarkhawm zel se a duh thu a sawi a, “Inla hrang tham leh inenhrang tham kan awm lova, hetia inpumkhat leh lungrual taka kan chenho hian hnam-a chhiar tham leh zahawm kan nih phah a ni,” a ti a. Hnam anga kan dinchhuah theih nan inunauna leh inpum-khatna dah pawimawh a tul thu sawiin, mahni awmna hmun theuhah ram leh hnam chhan nana theihtawp chhuaha rinawm leh huaisen taka hmalak a tul thu a sawi bawk. He hunah hian Pang zirlai tharte lawmluhna neih a nih bakah zirlai titha 23 te lawmpuina thilpek hlan an ni