CM in Yogita Rana kawm

Chief Minister Lalduhoma chuan nimin khan a Pisa-ah sawrkar laipui Ministry of Agriculture & Farmers Welfare-a Joint Secretary Yogita Rana IAS chu kawmin Mission Organic Value Chain Development for North Eastern Region hma-lakna te a sawipui a. Chief Minister chuan Missions Organic hmalakna hi Hand Holding Policy nena tha taka kalkawp thei a ni tih sawiin, chuvang chuan tha zawka Mizorama kalpui turin Yogita Rana-i hi a lo chah a. Yogita Rana hian an hmalakna leh hmachhawp hrang hrangte chipchiar takin presentation a pe bawk a ni. He hun hi Ramdinliani, Special Secretary, Agriculture & Farmers Welfare leh Officials pawimawh ten an telpui a ni.