Chief Minister in Union Minister te a kawm

Chief Minister Lalduhoma chuan nimin khan Sawrkar laipui-a Union Minister of Road Transport & Highways Nitin Gadkari chu hmuin Mizoram chhunga National Highway kawngpui hmasawnna tur hrang hrang an sawi dun.

He an inkawmna ah hian Mizoram chhunga National Highway hrang hrang 24 awm mek chungchang ngaihtuah niin Kilometer 572-a sei National Highway chuan hmasawnna lian tak a thlen theihna tur leh kawngpui bula cheng ten eizawnna tha tak an hmuh theih nan hmalakna tur hrang hrang an sawidun a, inkalpawhna kawng tha chuan State chhungah a tha zawnga danglamna a thlen theih nan leh mi tin te hmasawnna a thlen theih dan tur sawi a ni bawk. Chief Minister hian nimin vek khan Union Commerce & Industries Minister Piyush Goyal pawh hmuin ramdang te nena insumdawn tawnna leh hmarchhak bial in a chhawr tangkai tur hmasawnna hrang hrang an sawi dun bawk a ni.