Serchhip District Volleyball Association in an buatsaih ‘C. Laldinpuia Memorial Volleyball Tournament’ chu Inrinni khan khelh zawh niin New Serchhip VC te an Champion a, Veteran-ah Bungtlang Vengsang VC te an Champion bawk.
Serchhip Chhim Veng Volleyball Court-a khelh C. Laldinpuia Memorial Volleyball Tournament hi Inrinni khan Final khelh niin Mipa Affiliated inelna ah New Serchhip VC chuan Vengchung VC chu 3-1 (25-21, 19-25, 28-26, 25-19) a hnehin an Champion a, lawmman ah Trophy leh Rs. 15,000/- dawngin pahnihna Vengchung VC hian Trophy leh Rs. 8000/- an dawng bawk a, Semi Final-a chak lo Hriangtlang VC leh Darnam VC ten Rs. 1000/- ve ve an dawng bawk. He inelna ah hian Best Spiker-ah Vanlalduhsanga (New Serchhip VC), Best Setter-ah Reuben Lalrintluanga (New Ser-chhip VC) leh Best Receiver-ah PC. Lalthanpuia (New Serchhip VC) te an ni.
Veteran inelna ah Bungtlang Vengsang VC chuan Hriangtlang VC chu 3-1 (25 -14, 22 -25, 25 -21, 25 -20) a hnehin an Champion bawk a, Bungtlang Vengsang VC hian Trophy leh Rs. 8000/- dawngin Hriangtlang VC hian Trophy leh Rs. 4000/- an dawng bawk a. Best Spiker-ah Remruat-fela (Bungtlang Vengsang VC), Best Setter-ah Lalrinsanga (Bungtlang Vengsang VC) leh Best Receiver-ah Vanlalzuala (Hriangtlang VC) te an ni.
SDVA Secretary boralta C. Laldinpuia hriatrengna atana buatsaih he Tournament kharna Inkhawm hi SDVA President K. Tlangthanmawia chuan kaihruaiin C. Laldinpuia nupui Lalbiakdiki chuan hetianga a pasal hriatrengna atana Tournament buatsaih an duh anga a hlawhtlinna atana SDVA in an buaipuina leh hemi atana tawiawmtu zawng zawngte chungah lawmthu a sawi bawk. He hunah hian Match Commissioner Zothansanga chuan report pein tun tum Tournament-ah hian Affiliated Club-ah Team 9 leh Veteran-ah Team 7 an tel thu a sawi a ni.
Comments
Post a Comment