BJP President in Mizoram mamawhte a thlen

BJP Mizoram President Vanlalhmuaka chuan Union Minister hrang hrangte hmuin Mizoram mamawh thil te a sawipui.

BJP Mizoram President hi National Party Meeting neih ah telin Union Minister hrang hrangte a hmu a, Union Minister of Law & Justice Arjun Ram Meghwal-a hnenah Mizoram in Separate High Court a neih dan turte, Mizoram a Subordinate Court Infrastructures hrang hrang tihchangthlun dan turte leh Law lam kaihhnawih thil hrang hrangte an sawipui a. Union Minister hian Mizoram-ah uluk taka BJP Mizoram State President thu thlente chu ziaka chhinchhiahin, bawhzui ngei a tum thu an lo hrilh a ni. Union MoS for Housing and Urban Affairs Tokhan Sahu hnenah Mizoram-a thingtlang leh khawpui in harsatna an tawh hrang hrangte thlenin, Union MoS for Social Justice and Empowerment BL. Verma hnenah Ministry hnuaia Mizoram tana puihna awm thei te a sawipui bawk a. Union Minister te hian Mizoram sum a tan hnem thu leh pek belh theih an nih dan kawng hrang hrangte lo hrilhin, State sawrkar in an thawh that chuan Central sawrkar ah Mizoram tan sum a tam thu te an lo hrilh a. BJP Mizoram hruaitute leh Central hruaitute hian inkawm hun tha tak leh hlawk tak hmangin, Mizoram tan rah duhawm tak a chhuah theih ngei a beiseiawm tih BJP chuan an sawi a ni.