ZPM in buhfai chhia pekchhuah a ni ngai lo tih sawi

ZPM Party chuan nimin khan thuchhuah siamin Opposition party thenkhat in nimin khan Zuangtui Kudam tlawhin, buhfai a tlem thu leh mihring ei tlak loh pechhuak ang hiala chhia pechhuak angin sawi tum an awm tih hriat a nih thu an tarlang a. Hei vang hian nimin khan Zuangtui Kudam hi an thlawh thu leh tun dinhmunah buhfai a tam tawk tih sawiin, buhfaite hi sawrkar hmasa lam hun a buhfai chhe tak, mihring ei tlak loh hial khawpa chhia pekchhuah thin ang kha a awm lo tih an sawi a. Hetiang anga buhfai tam tham tak karah hian bag hnih khat chu a lo thalo deuh te a awm ve lo theilo nia sawiin, chung a lo awm palh a nih pawhin chungte chu pekchhuah an ni ngailo tih an sawi bawk.