VC by-election chuh turin mi 3 ve ve in hming an pelut

Serchhip District chhunga Village Council pahnih-a by-election neih turah Nomination file theih chhungin mi pathum ve ve ten Nomination an file a, Vawiin hian Nomination paper te enfiah a ni ang.
State Election Commission in tun thla ni 24-a Serchhip District chhunga VC pahnih a by-election neih tura a ruahman angin heng VC pahnih-a by-election chuh tumte tana hming pekluh theih hun chu nimin tlai dar 3:00 khan a tawp ta a, Serchhip Chhim Veng VC-a Seat pakhat chuh turin nimin khan MNF atangin Lalbiakdiki chuan Nomination a File ve leh a. Heti hian he VC-a Seat pakhat chuh tur hian Chawnghranghluna (ZPM), Lalbiakdiki (MNF) leh PC. Siamliana (Independent) te chuan Nomination an file ta a ni.

New Serchhip North VC-a Seat ruak pakhat awm chuh tur nimin khan ZPM atangin H. Lalengzauva chuan Nomination a File ve leh bawk a, heti hian he VC-a Seat ruak pakhat chuh turin mi pathum bawkin Nomination an File a, heng te hi B. Lalpanliana (MNF), H. Laleng-zauva (ZPM) leh H. Vanlalsawma (INC) te an ni a. Heng VC pahnih-a by-election chuh tura Nomination File te hi Vawiin chawhma dar 11:00 hian RO te kaihhruaina hnuaiah an Nomination Paper te enfiah a ni dawn a ni.