Thuthar thehdarhtute PB-SHABD hrilhfiah an ni

AIR leh DDK thawktute chuan nimin khan thuthar thehdarhtute hmaah a thlawna chanchinthar, thuziak leh thlalak bakah video an lakchhawn theihna tura duan, PB-SHABD chungchang an sawifiah.

Aizawl Press Club-a he hun hman ah hian AIR leh DDK Copy Editor Isaac Zoramsanga, Lawmsangkimi leh Lalrinfeli te chuan PB-SHABD chungchang sawifiahin, ramchhunga thuthar hrang hrang a thlawna an neih theihna tur a nih thu an sawi a, thuthar hrang hrang bakah video leh thlalakte a thlawna lakchhawn theihna a ni dawn tih an sawi.

PB-SHABD hi kumin March 13 atang khan hman tan niin, Media pawl hrang hrangte hnena ni tin chanchinthar, thuziak, thlalak leh video hmanga pekna tura ruahman a ni a, heta tanga news lak reng rengte chu logo awm lo a nih dawn bakah mahni ta anga an hman theih tura ruahman a ni. PB-SHABD-ah hian ni tin ramchhunga thuthar sang chuang dahchhuah thin a ni a, Mizo tawng tiamin India rama tawng chi hrang hrang hmangin Regional News Unit (RNU), DDK leh Akashvani kaltlanga dahchhuah thin a ni a. Media pawl hrang hrangte tan a thlawna inziahluh theih a nih thu an sawi bawk.