Thlai thar leisak tura inziaklut 45,865 awm tawh

Agriculture & Farmers Welfare changtu Minister leh Mizoram Agricultural Marketing Board Chairman PC. Vanlalruata chuan thlai thar pali lei turah loneitu mi 45,865 an inziak lut tawh tih nimin-a Bana Kaih Scheme hawnna ah a sawi a, tun thlenga thlai thar lei sak theih tur mi 45,585 vel portal-a ziahluh an ni tawh tih sawiin, a zat hi la danglam thei a ni tih a sawi a. “An zinga Sawhthing chingtu inziaklut tawh 25,154 atangin quintal 10,84,975; Aieng chingtu 3,414 atangin quintal 77,492; Hmarchate chingtu 8,517 atangin quintal 36,774 leh Hmunphiah chingtu 8,500 atangin quintal 1,20,000 thar chhuah beisei a ni,” a ti a. Marketing bakah Link Road-te ngaih pawimawh tel an tum thu a sawi bawk.