Gas phur Motor chesual

Siaha-a dah tur eirawngbawlna Gas phurtu Truck pakhat chu nizan hmasa khan Haulawng leh Mausen inkar-ah chesualin he Motor khalhtu hi a hmunah a boral. Thudawn danin he Motor-ah hian a khalhtu Zakir Hussain (43), Silchar leh Handleman te an chuang a, he Motor hi kawng-thlang ah meter 200 vel lumin chetsualna hmunah hian Driver hi a thi nghal a, Handleman hian hliam tuarin Haulawng PHC-a hruai a nih hnuah Lunglei-a enkawl tura lak a ni. He Motor-a Handleman hian an chetsual hun hi nizan hmasa dar 8:00 vel a nih thu sawiin, kawngpui ah vakchhuakin lirthei a phar te chu an ding duh lo niin a sawi a, nimin zing khan Haulawng lam mi ten hmuin khawtlang hruaitute an hriattir te a ni.