Serchhip-a Two Wheeler Taxi neitu ten Assembly an hmang

Serchhip Two Wheeler Taxi Owners Association chuan nimin khan Dawngzawl-a Serchhip District Park-ah Assembly hmangin chawhma lamah Rorel Inkhawm an neih bakah chawhnu lamah an pawl hruaitu tur thlanna an nei nghal a. President-ah Rohmingliana (Bazar Veng); Vice President-ah B. Vanlalsawma (Leisang Veng); Secretary-ah Zothansanga (Vengchung); Asst. Secretary-ah Benjamin Vanlalawia (Bazar Veng); Treasurer-ah Lalbiakhlupuii (New Serchhip Venglai) leh Fin. Secretary-ah Peter C. Lal-rinmawia (P&E Veng) te thlan an ni. Serchhip Two Wheeler Taxi Owners Association-ah hian member 103 an awm mek a ni.