SCERT Population Education Cell leh DIET Serchhip tangkawpin Zirlai naupangte tana ‘On the Spot Poster Making Competition’ an buatsaiha tihthate hnena lawmman semna chu nimin khan neih a ni.
SCERT Population Education Cell leh DIET Serchhip te hian kumin August 29 khan he inelna hi buatsaihin Serchhip Town chhung leh Chhingchhip Area-a High School 10 atangin zirlai pathum theuh an tel a, thupui atan ‘Save our Environment’ tih leh ‘Stop Bullying’ tih te hmangin heng thupui atang hian zirlai naupang ten an duh zawk zawk hmangin Poster hi an siam a ni.
He intihsiakna result puanna leh lawmman semna hi nimin khan DIET Multipurpose Hall, Serchhip Chanmari Vengthar-ah neih a ni a, St. Peter's Higher Secondary School, Chhingchhip a zirlai Nandini Mairembam chu pakhatna niin thuziak leh Rs. 3000/- a dawng a, St. Peter's Higher Secondary School, Chhingchhip a zirlai bawk Kh Gitanjali chu pahnihna niin thuziak leh Rs. 2500/- a dawn bakah pathumna Augustine Malsawmdawngkima, Govt. PCR H/S Serchhip chuan thuziak leh Rs. 2000/- a dawng bawk. Heng bakah hian zirlai 5- Njulo Kent (GEA Serchhip); Zodinpuii (GEA Serchhip); Lalrinzuali (PES Ser-chhip); Hmingthantluanga (Millennium H/S Chhiah-tlang) leh C. Vanlalhriati (Govt. H/S Chhiahtlang) te chuan Consolation Prize dawngin thuziak leh Rs. 500/- theuh hlan an ni.
.jpeg)
Comments
Post a Comment