Serchhip-a END ten hmun hnih ah Heroin an man

Serchhip-a Excise & Narcotics Department chuan tunkar Thawhtanni leh Thawhlehni khan hmun pahnih-ah Heroin manin hemi kaihhnawih ah hian mi pathum man an ni.

Excise & Narcotics Department hian tunkar Thawhtanni, Sept. 2, 2024 khan Laldampuia (27), Bungtlang, tuna Serchhip Field Veng-a khawsa mek nia insawi hnen atangin Heroin Hawng khat manin amah pawh hi manin thubuai siam sak nghal a ni a, an damdawi man hi gram 11.08 a rit a ni. Hemi hnu niminpiah khan Excise & Narcotics Department hian Serchhip District chhunga Buangpui khua ah Heroin Hawng 8 zet an man leh a, hemi kaihhnawih ah hian Joseph Lalruatdika (26), Lunglei Electric Veng nia insawi leh Isak Lalawmpuia (28), Lunglei Rahsi Veng nia insawi te pawh man an ni bawk a, damdawi an man hi gram 79.05 a tir a ni bawk. Heng mite hi ND&PS Act hnuaiah thubuai siam sak an ni.