Nomination File mi 4 awm

Serchhip District chhunga Village Council pahnih-a by-election neih tur chuh turin nimin khan mi pahnih ve ve in Nomination an File a, Vawiin hian inthlan chuh tum te tana hming pekluh theih hun hi a tawp ang.
Serchhip Chhim Veng VC by-election neih tura Returning Officer F. Lalhmangaihsanga hneh atanga LENKAWL in thu a dawn danin nimin khan he VC by-election neih tur atan hian mi pahnih in Nomination paper an thehlut a, heng mite hi ZPM atanga chuh tur Chawnghranghluna bakah Independent-a chuh tur PC. Siamliana te an ni a, MNF Party in Candidate tura an ruat chuan Vawiin hian Nomination a File dawn tih MNF Block hruaitute chuan LENKAWL an hrilh bawk a ni.

New Serchhip North Village Council a by-election nei tur chuh turin nimin khan Nomination File mi pahnih an awm thu Returning Officer David Laldintluanga chuan LENKAWL a hrilh bawk a, nimin-a Nomination File te hi MNF Ticket-a ding tur B. Lalpanliana leh INC Ticket-a ding tur H. Vanlalsawma te an ni a, ZPM Ticket-a ding tur chuan Vawiin hian Nomination a File dawn nia thudawn a ni bawk.

Tarlan tawh thin angin Serchhip Chhim Veng VC-ah hian Vice President nilai C. Laldin-puia a boral avangin General Seat pakhat a ruak a, New Serchhip North VC-ah pawh hian Vice President nilai B. Zaruala chu a boral avangin General Seat pakhat bawk a ruak a ni.