MNF chu Party mai ni lovin Mizoram leh Hnam Sakhua venghimtu; Mizo Guardian a nih thu sawi

MNF Treasurer leh MLA hlui Lalruatkima chuan MNF chu Party mai ni lovin Mizoram leh Hnam Sakhua venghimtu; Mizo Guardian a nih thu a sawi.

MNF Party chuan nimin khan Aizawl-ah Mizo Hnam Run Chhung Inkhawm neiin he hunah hian MLA hlui leh MNF General Hqrs. a Treasurer Lalruatkima chuan, “MNF hi Party mai a ni lova, Mizoram leh Hnam Sakhua venghimtu, Mizo Guardian a ni,” a ti a. MNF chu kan hnam pasaltha Martar te hniakhnung zuia kan ram leh kan sakhua venghimtu an nihna hria a beidawng mai tur an ni lo tih a sawi a. Peace Accord avanga kan neih India Constitution Article 371 (G)-a Mizote himna hrang hrangte, hnamdang in Mizoram-ah In hmun lo ram neih phal anih loh thu te, Mizote sakhua leh rinna, kan Customary Law practices zawng zawngte humhalh tlat anih thu sawiin, “Venghim zel turin tan i la tlang zel ang u,” a ti bawk.

MNF Treasurer Lalruatkima chuan ZPM sawrkar Council of Minister hmasa ber ten ZMC leh Lengpui Airport hralh an tum a hlawhchham nia sawiin, “Ni 100 chhung hmalakna tur hmachhawp a hlawhchham a, hmunphiah lei a hlawhchham a, a chingtute an beidawng bawk,” a ti a. Sum leh pai enkawl leh kawngpui enkawl ah an hlawhchham bawk nia sawiin, “Chhiah kan tipung lovang tiin an tipung lawi a, tunah North East State-ah Mizoram hi tuialhthei man sanna ber kan ni ta a ni,” a ti bawk a. ZPM sawrkar chuan kum 5 an daih loh a rinawm thu leh Delhi lamin kum 5 a rei an sawrkar an rin loh thu an rawn sawi fo thu sawiin, RTI hmanga sawrkar hmalakna dil zel an tum thu a sawi bawk.

Congress Party chungchang pawh sawiin Lalruatkima chuan,, “Congress Party chu kum 2029 thleng tuna an hruaitute term pawhsei sak an nih avangin an party chhung boruak a tha lo hle,” a ti a, MNF Party chu reilote ah a aworkar leh thuai dawn thu leh hotute thu zawm a hmala turin party mipuite a ngen a ni.