Mizoram-a mimal enkawl ATM hmasa ber hawn a ni

Mizoram-a mimal enkawl ATM (Automated Teller Machine) Booth hmasa ber tur chu Inrinni khan Serchhip IOC Veng-ah hawn a ni.

Serchhip IOC Veng PC. Lalchhuanawma Building-a ATM Booth thar hi MJA Serchhip District President C. Lalhminghlua chuan hawngin he ATM Booth Master Franchisee S. Lalrinawma chuan Aizawl, Champhai, Lunglei leh Tlabung-ah Vakrangee Kendra, ATM hi hawng tura buatsaih mek a nih thu leh Mizoram chhungah 30 vel hawn theih an beisei thu a sawi a. India rama ATM zingah pawisa awm lohna a tam avangin RBI in complaint a dawn avangin a buaipui tur company thlan an ni a. An thlanchhuah zingah Mumbai-a hmunpui nei Vakrangee Kendra hi telin, North East-ah pawh Assam, Manipur leh Nagaland-ah an inbun tawh thu a sawi bawk.

Heti hian Serchhip khawpui chhungah ATM Booth paruk (6) a awm ta a ni.