Lunglei-ah Parking sawiho

Lunglei Municipal Council hotute leh Lunglei khawpui chhunga Local Council hrang hrang aiawh ten nimin khan Vengchhung kawngpui dung-a Lirthei dah leh riah te fee chawitir chungchang an sawiho a. He hun hi LMC Vice Chairman K. Lalrinawma chuan kaihruaiin Local Council hrang hrangten parking chungchanga an ngaihmawh zawng sawiin, hetianga kawngpuia lirthei dahte chu Local Council-te'n a dahna nei tura hriattir nawn bakah loh theih loha dah ngaite chu a dahna hmun Local Council-in a ruahman ah man neia dahtir nise an ti a, Lirthei ke hnih nei tan thla khatah Rs. 500, ke thum nei tan Rs. 700 leh lirthei te chi (LMV) tan Rs. 1000 bakah lirthei lian (HMV) tan Rs. 3000 te bithliah a ni. Dan zawm lo te chu LMC inkaihhruaina dan angin Rs. 2000 thleng chawitir an ni ang.