'Record Room' thar hawng

Mizoram Secretariat, MINECO-a Department hrang hrang ten an Closed File dah thatna tur 'Record Room' chu nimin khan Chief Secretary Dr. Renu Sharma IAS chuan a hawng a. He hun hi Department hrang hrang Administrative Head ten telpuiin Vanlaldina Fanai ICAS, Commissioner & Secretary, GAD chuan Record Room buatsaih a nih chhan te a sawifiah a. Record Room hi Secretariat Building hmun thum-ah siam a ni. Department hrang hrang ten an Closed File tih riral chi si loh an neihte dah thatna tur mumal an neih loh avangin harsatna an tawh phah fo a. Tuna a bultanna atana Record Room siam te hi an tangkaipui hle dawn a, hun lo kal zelah pawh changtlung lehzuala hmalak chhoh zel tum a ni.