Lunglei-ah Mobile Phone bo hmuhlet a tam

Lunglei Police te chuan Mobile Phone bo an chhuichhuah 71 zet chu a neitute hnenah an hlan tawh. Lunglei SP J. Lalmuankima sawi danin, Lunglei Police Station-a Cyber Cell-te hmalakna in, Mobile phone bo leh ruk zawn chhuah hna ngawrh taka an thawhna ah an hmuh letleh Mobile Phone 71 chu a neitute hnenah hlan a ni tawh a, hei hi Rs. 18,86,000 hu a ni. Hei bakah hian thla hmasa chhung khan Heroin kg 147.87 manin hemi kaihhnawihah hian mi 5 manin thubuai 3 an ziaklut a ni. Sapzu litre 205.5 manin mi 2 an man tel a, thubuai 1 ziah luh a ni bawk. Traffic Police te pawhin dan zawmlo lirthei chi hrang hrang 169 an manbawk a ni.