Khua leh tuite Ngaihsak-Harsatna Chinfel Ni hmang

Nimin khan Lawngtlai District-ah a thawh hnihna atan 'Citizen Care- Grievance Redressal Day' (Khua leh tuite Ngaihsak-Harsatna Chinfel Ni) hman leh a ni.

Lawngtlai-a Deputy Commissoner’s Office hian kumin August 23 khan Khua leh tuite Ngaihsak-Harsatna Chinfel Ni hi lo hmang tawhin nimin khan a thawh hnihna atan Lawngtlai DC Conference Hall-ah he ni hi hman leh a ni a, he hunah hian sawrkar Department 13 te chu mipuite dawr theih turin dawhkan hrang hrangah an innpho chhuak a ni.

'Khua leh tuite Ngaihsak-Harsatna Chinfel Ni' hman tawhah mipuiten an hlutin an ngaipawimawh hle tih sawrkar thuchhuah chuan tarlangin, mi thahnem takin Department hrang hrang inphochhuak te hi dawrin, harsatna an neih ang angte an thlen nghal thin a. Nimin-a hun hman pawh hi mipuiten hlutin mi thahnem takin sawrkar department hrang hrang inphochhuakte hi an dawr a, an harsatnate an thlen bawk a ni.