Hnahthial-ah Raltlan te dinhmun thlirho

Nimin khan Hnahthial-a District Task Group on Myanmar Refugees chu an Chairman leh Bawrhsap Rita Lalnunmawii Pachuau hovin an thukhawm a, he hunah hian VC hrang hrang ten an huamchhunga Myanmar raltlan awm zat tarlangin, Thingsai-ah 275 vel; Ngharchhip-ah 23; Tarpho-ah mi 27; Khawhri-ah chhungkua 7; North-I ah mi 33; North-II ah mi 17; South -I ah mi 22; South-ah mi 22 leh South-III ah mi 76 an awm mek nia tarlan a ni. Hei bakah hian District Education Officer hnen atangin kum 2024-25 inkara raltlan sikul naupang dinhmun tarlan niin tun dinhmunah Primary School-ah mipa leh hmeichhia 52 ve ve an awm a, Middle School ah mipa 42 leh hmeichhia 39 awmin High School leh Higher Seconday School-ah mipa 8 leh hmeichhia 22 an awm thu tarlan a ni bawk.