Candidate tur chiang tan

Serchhip District chhunga Village Council pahnih-a by-election neih tur chuh tumte tana hming pekluh theih hun chu naktuk tlai dar 3:00-ah a tawp dawn a, Candidate tur thenkhat pawh hriat theih an ni tawh.
Serchhip District chhunga Village Council pahnih, Serchhip Chhim Veng leh New Serchhip North VC-a General Seat ruak pakhat ve ve hnawhkhahna tura tun thla ni 24-a inthlanna neih tur atan hian naktuk, Sept. 3, 2024 thleng hian Nomination Paper thehluh theih a ni dawn a, MNF Party chuan Serchhip Chhim Veng VC ah Lalbiakdiki leh New Serchhip North VC-ah B. Lalpanliana te an din tir tur thu an puan hnuah ZPM Party chuan Serchhip Chhim Veng VC-ah Chawnghranghluna (Sena) leh New Ser-chhip North VC-ah H. Lalengzauva (Maenga) te an Candidate tur a nih thu Inrinni khan an puang a. Congress Party chuan New Serchhip North VC by-election ah hian H. Vanlalsawma chu an Candidate tur a nih thu sawiin, Chhim Veng VC-ah erawh Candidate an dah dawn lo tih LENKAWL an hrilh a ni.

He inthlanna neih tura Candidate turte hian Vawiin hian Nomination Paper thehluh an tum hlawm nia thudawn a ni a, heng VC pahnih ah te hian Independent-a inthlan chuh tum ni awma sawi te pawh awmin Nomination Paper thehlut erawh an la awm lo a ni.