Vawk thi sang thum chuang tawh

Kumin chhungin Serchhip District-ah African Swine Fever (ASF) vanga Vawk thi sang thum chuang a awm tawh.

Serchhip-a AH&Vety Department ten an chhinchhiah danin Inrinni khan Serchhip District-a khaw 4-ah ASF vanga Vawk thi 16 chhinchhiah niin nimin khan khaw 8-ah Vawk thi 31 chhinchhiah leh a ni a, heng te nen hian nimin thleng khan Serchhip District-ah kumin hian ASF vanga Vawk thi 3043 a awm tawh a, ASF vanga Vawk thi tamna ber Thenzawl khua ah chuan 1026 zet thiin Serchhip Town chhunga VC hrang hrangah 742 a thi tawh bawk a ni. Nimin khan Serchhip District-ah ASF hri darh tur venna atan Vawk 15 suat leh niin heng te nen hian kumin ah Vawk 6169 suat ni tawh bawkin ASF vanga Vawk thi leh suat hi 9212 a tling tawh a ni.