Best Achiever Award dawng

Union Minister of State for External Affairs & Textile Giriraj Singh hova Central Silk Board (CSB) Platinum Jubilee lawmna nimin-a neih ah Mamit District chhung Darlung khuaa cheng Van-rammawia chuan ‘Best Achiever Award’ a dawng a. Central Silk Board (CSB) din a nih atanga a kum 75-na, Platinum Jubilee lawmna hi Karnataka State Open University, Mysuru, Karnataka-ah neih a ni a, lawmman chi hrang hrang sem zingah Vanrammawia hian he Award hi a dawng a ni. 

Sericulture Department Director V. Zothansanga chuan rampum huapa lawmman dawng thei Zoram Sericulture Farmer-in a nei chu Department in a lawmpui thu leh an chhuang hle tih sawiin, hmasawn zel turin an duhsak thu a sawi. CSB Platinum Jubilee lawmna hunah hian Vanrammawia bakah Sericulture Department Joint Director R. Lalbiakthanga hovin Officer pali an kal a, Sericulture Post Cocoon & Marketting Technology an zir nghal dawn a ni.