Minister hovin Eirawngbawlna Gas dinhmun sawiho

Food, Civil Supplies and Consumer Affairs changtu Minister B. Lalchhanzova chuan nimin khan a Pisa-ah FCS&CA Department hotute leh Mizoram LPG Distributor te kokhawmin tunlaia Eirawngbawlna Gas dinhmun an sawiho a, Supply Minister chuan Mizoram in kan chak lakna kawngah harsatna kan tawh mek laia Eirawng-bawlna Gas harsatna lian lutuk awm lo tura theihtawp chhuahtu Supply Department hotute, Indian Oil Corporation hotute leh Mizoram LPG Distributor te chungah lawmthu a sawi a. Theihtawp chhuah a tan la chhunzawm turin a chah bawk. Tun dinhmun ah mipuite tan eirawngbawlna Gas pekchhuah kawngah harsatna lian tham a la awm lo tih he hunah hian tarlan a ni a, Mizoram in hnianghnar taka eirawngbawlna Gas a hmuh zel theih nan Indian Oil Corporation Limited hotute hnenah FCS &CA chuan lehkha a thawn nghal bawk a ni.