ZPM in Hand Holding Policy zirchianna buatsaih

ZPM Party General Hqrs. chuan nimin khan an Party Organisers leh Deputy Chief Organisers te tan sawrkar Flagship Programme, Hand Holding Policy zirchianna an buatsaih.

Venghlui YMA Hall-a he zirchianna hun an buatsaih ah hian Adviser to Chief Minister leh Marketing Board a Co-Chairman Dr. KC. Malsawmzauva chu Resource Person atan hman niin Sawrkar thil tum leh Hand Holding kalpui dan tur zirtirna kimchang takin a pe a, Hand Holding Policy chu sawrkar Flagship pawimawh tak leh inthlan hma atang tawha ZPM Party in mipui hnena a lo tlangaupui tawh a nih thute, kuthnathawktute leh thalai mahni ke-a din tumte Bana kaihna tur Policy a nih avanga sawrkarin a ngaihpawimawh thu te leh awmze nei tak leh System felfai taka kalpui tum a nih thute a sawi a ni.