YMA Volleyball khelh chhunzawm zel a ni

Zonuna Kawlni /

Inter Branch YMA Volleyball Tournament 2024 chu khelh mek zel niin tunkar Inrinni khian Final khela zawhfel tur a ni ang.

Central YMA leh Mizoram Volleyball Association (MVA) tangkawp in an buatsaih ‘LBS Suzuki 23rd Inter Branch YMA Volleyball Tournament 2024’ ah hian Inrinni khan Serchhip Sub-Hqrs. YMA atanga tel Thentlang Branch chuan Phunchawng Branch chu 3-1 (25-19, 25-22, 20-25, 25-21) in an hneh a, Khawbel Branch chuan Armed Veng South chu 3-0 (25-13, 25-16, 25-23) in an hneh bawk.

Zirtawpni khan Chhinchhip Venghlun chu Sihphir lakah 3-0 in an tlawm a, Keitum Branch in Kulikawn chu 3-0 (25-7, 25-20, 25-19) a hnehin Hmuntha in Kawnpui Hmar Veng chu 3-2 (25-21, 25-18, 23-25, 24-26, 15-9) in an hneh a. Vawiin hian Thentlang leh Tuikual North te intumin Hmuntha leh Dinthar an intum anga Keitum leh Khawbel te an inhmachhawn bawk ang.

Inrinni-a Hmeichhe inkhel ah Thenzawl Field Veng chuan Chawnpui chu 3-0 (25-10, 25-22, 25-15) in an hneh ve bawk a, Vawiin hian Kanan Branch an hmachhawn ve leh dawn bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »