MNF Thalai in ram hmasawnna duhlo sawrkar-ah an ngai

Hrangturzo West Block MNYF chuan ZPM sawrkar chu Ram hmasawnna duh lo sawrkar-ah an ngaih thu an sawi.
Hrangturzo West Block-a MNF Thalaite hian Inrinni khan an huamchhunga SASCI hmanga hnathawh hrang hrangte enin, an enfiah chin chu tha thawkhat hle-a an hriat thu an sawi a. An President Mikael Lalduatpuia chuan hetianga hna tha taka thawh a ni chung hian SASCI hmanga hnathawh tur thenkhat, hmanrua engkim dah tawh chu ZPM sawrkar in thawh chhunzawm a phal lo nia sawiin, ZPM sawrkar chu ram hmasawnna duh lo Sawrkar ah a ngaih thu a sawi a. “Chief Minister Pu Lalduhoma'n Assembly House zahawm taka ‘Bawngtuthlawh chehkhat lo chek tawh te chuan an thawk chhunzawm vek ang’ a tih laia a tak a mi material dahsa te pawh a thlawn a luanral tir vek pawh an pawi ti leh ta si lo chu Kohhran Upa CM-na hnuai a thil thlengah chuan thil pawi tak a ni,” a ti.

Hrangturzo West Block MNYF hruaitute hian Keitum leh Chekawn inkar kawng pawh en nghalin, MNF kum 5 Sawrkar-a Home Minister Lalchamliana enkawl na hnuaia kawng chhia awm ngai lo, tun-a enkawltu nei lo ang mai a awm a a chhe ta lutuk mai chu pawi an ti takzet tih an sawi bawk a. Hrangturzo Bialtu MLA Pu Lalmuan-puia Punte-in Assembly House thutkhawm hnu-hnung ber a blocktoping chhia te chu kutphah tia an nih a repair a tul thu a sawi laia a Bial chhung kawngpui pawimawh ber mai-a Sangha dil tia tia kawngchhia-a tuihawk tling a awm ta teuh mai chu vanduai thlak an ti hle tih an sawi bawk.