Vawk hri lenna hmun a zim hret hret niin a lang
AH & Vety Department ten an chhinchhiahna atanga a lan danin Inrinni khan Serchhip District-a Veng leh khua 10-ah ASF vanga Vawk thi 43 an awm laiin nimin khan Veng leh khua 3-ah Vawk thi 13 chhinchhiah leh an ni a, nimin-a Vawk thi 13 zinga 9 hi Thenzawl khuaa chhinchhiah niin Baktawng khua ah 3 leh Serchhip Hmar Veng-ah Vawk thi pakhat chhinchhiah an ni. Nimin vek khan Veng leh khua 6-ah Vawk suat 20 chhinchhiah leh a ni bawk a, Baktawng leh New Serchhip North-ah 6 ve ve suatin East Lungdar leh Serchhip Dinthar Veng-ah 3 ve ve suat a ni a, Chhuanthar Tlangnuam leh New Serchhip South-ah pakhat ve ve suat a ni bawk.
Heti hian nimin thleng khan Serchhip District-a Veng leh khua 30-ah kumin chhungin ASFvanga Vawk thi 2842 an awm tawh a, hri leng darh zel tur venna atan Vawk 6117 suat ni tawh bawkin khaw mal-a Vawk thi tamna ber Thenzawl-ah Vawk 990 thiin Vawk 286 suat a ni tawh bawk a ni. Hetihlai hian Serchhip Town chhung bikah Vawk thi 675 awmin Vawk 1446 suat a ni tawh bawk a. Serchhip District-ah hian Veng leh khua 21 te chu hri lenna hmun, Infected Area-ah puan a ni tawh a ni.
Comments
Post a Comment