Serchhip District-a Immunization kalpui dan thlirlet

Serchhip District Task Force for Immunization chu nimin khan thukhawmin Serchhip District-a Immunization kalpui dan an thlirlet.
He thutkhawm Serchhip DC Meeting Hall-a neih hi an Chairman lh District Bawrhsap Paul L. Khuma chuan kaihruaiin Health lam thuneitute chuan Official kalchhuak te hnathawh dan fimkhur leh uluk takin kartin thlirletna neih nise tiin, a theih chinah online hmangin whatsapp leh webinar te pawh nei thin turin a chah a ni.

Nimin-a thutkhawmah hian kum 2023-2024 leh kumin sawrkar kum kal meka Serchhip District-a Immunization kalpui dan thlirletna neih a ni a. Kumin sawrkar kum kal mekah June thla thlengin 85.8% an tuam tawh a, kum kaltaah 69% an tuam a ni. Serchhip District chhung khaw hrang hrangah bituk (target) zat an tlin lo tih hmuhchhuah niin hei hi a chhan bulpui ber chu Data Entry tih dik loh vang te, kartina thlirletna neih dan felfai tawk loh vang te leh mipui mimir ah puanzar nasat lehzual a tul vang te niin tarlan a ni.

Khawvela immunization beihpui lian ber Universal Immunization Programme (UIP) hnuaia India sawrkar hmalaknain vaccine hi natna inven theih chi 11 laka inven nan hunbi neiin pek thin a ni a. District tin te chu target siamsak an ni a, a hunbi-ah Health Department ten vaccine an pe chhuak thin a ni. An hmalak dan viltu District Task Force hi District tinah dah niin DC kaihhruaina hnuaiah department hrang hrang te leh a tul angin khawtlang hruaitute pawh thawkhoin District chhunga naupang zawng zawngin vaccine a hun taka an lak theih nan an tang tlang thin a ni.