Protected Area-ah Dan bawh-chhia awm loh nan hma la

Aizawl Municipal Corporation (AMC) Mayor Lalrinenga Sailo chuan Bawngkawn atanga Durtlang inkar khawih theih loha hung bik, Protected Area-ah dan bawhchhiatna a awm loh nan hma an la tih a sawi a, Mayor chuan AMC chuan Protected Area huamchhungah Insak phalna tumah an la pek loh thu sawiin, dan kalha Insak leh hmalak awm mekte titawp turin chak takin hmalak mek a nih thu a sawi a. Helai hmuna lei laih leh Insak chungchangah High Court in PIL Suo Moto order a rawn chhuah chungchang ah AMC chuan fel taka an chhan thu Mayor hian a sawi a, High Court thutlukna a zirin hmalak chhunzawm pawh an tum tih a sawi bawk.