Police suspend 59 awm

Mizoram-a sawrkar inthlak hnu, December 18, 2023 atanga tun thla ni 8 thleng khan Mizoram Police zingah suspend tawk 59 an awm tawh tih Assembly Session neih zawh taka zawhna chhanna ah tarlan a ni a. Home Department chhin-chhiahna atanga a lan danin Police Suspend zingah hian a tam ber chu duty laia zu in leh rui an ni a, Kuhva tawlhruk kaihhnawiha suspend bakah ruihhlo kaihhnawiha suspend an awm a; rukruk vang leh discipline chhia vanga suspend an awm bawk. Slai leh a mu tihchingpen kaihhnawih leh Roll Call laia tlanbo vanga suspend te pawh an awm a, suspend tam ber hi Armed Battalion hnuaia awm an ni a. District Executive Force (SP Office/ Police Station adt.) a awm lai zingah Aizawl leh Saitual DEF-in suspend tawk an ngah ber a ni.