In kang-a nunna chan tam

Fire & Emergency Services Department chhinchhiah danin kum 2020 atanga kumin August ni 12 thleng khan Mizoram-ah In kang avanga nunna chân mi 21 awmin, hliam tuar 27 an awm bawk. Chhinchhiahna atanga a lan danin kum 2020 khan kangmei vanga nunna chan mi pakhat leh hliam tuar 7 an awm a, kum 2021-ah nunna chan mi pakhat awm lehin hliam tuar mi 4 an awm thung a. Kum 2022-ah nunna chan nasa taka pungin mi 15 lai an awm a, hliam tuar pawh mi 11 awmin thihna leh hliam tuar awm tam ber kum a ni. Kum 2023-ah nunna chan an awm loh laiin hliam tuar 5 an awm a, kumin ah nunna chan mi 4 awm tawhin hliam tuar erawh an awm lo thung a ni.