OBC Status dilna ah Central YMA hmalakna thlawp
Serchhip Sub-Hqrs. YMA hian Inrinni khan Ser-chhip Sub-Hqrs. YMA Conference Hall-a Sub-Hqrs. YMA Executive Committeee (SEC) thut-khawm vawi 143-na neiin Mizoram-a Gorkhali awm ten OBC Status an dil chungchanga Central YMA hmalakna hrang hrangte ngaihthlak a ni a, Central YMA hmalakna te hi tha an tih thu sawiin, an thlawp thu an sawi a ni.
Serchhip Sub-Hqrs. Executive Committee hian kumin October 24-a YMA Rorel Inkhawm neih tura Branch hrang hrang ten Agenda atana rawtna an thlehluh atangin Central Coordination Committee (CCC)-a thlen turin Agenda panga (5) te chu pawm a ni a, Ruihhlo dona kawnga hma an lakna ah Court-a Witness-a tang ten TA/DA an lak har thin avanga harsatna an tawh sutkian dan tur ngaihtuahin, thla khat-ah ni khat tal Serchhip District Court-ah District & Session Judge a thut theihna turin hmalak nise an ti bawk.
Heng bakah hian kumin April thla a Sub-Hqrs. YMA Serchhip Rorel Inkhawm a an thurel bawhzuina kal zelah Mizoram-a Raltlan te tun aia khuahkhirha enkawl dan tur kaihhruaina an siam chu pawmin, Myanmar Refugee/Manipur Internally Displaced Person chhawmdawl ngai te Report-na Form Serchhip DC Office atanga an hmuh angin Branch hrang hrang ten tun thla ni 23 ralhmain YMA Sub-Hqrs. Office-ah thehluh leh nise an ti a. Ramngaw, Tuihna leh nungcha humhalh kawnga chak zawka hmalak a nih theihna tura ruahmanna an siam te pawh an pawm bawk a ni.