NGOCC ten IAF kuta Airport hlan an duh lo

Mizoram NGO Coordination Committee chuan Mizoram-a Thlawhna tumhmun awmchhun Lengpui Airport chu Indian Air Force kut-a hlan rem an tilo tih an sawi.

Mizoram-a tlawmngai pawl hrang hrang intelkhawm, NGO Coornidation Committee hi Zirtawpni khan thukhawmin tunhnaiah Lengpui Airport chu Indian Air Force kuta hlan tumna a awm niin an hria tih an sawi a, Indian Air Force kuta hlan rem an ti lo tih thuchhuah siamin an tarlang a ni.

Tun thla ni 5 khan Adviser to CM (Finance) TBC. Lalvenchhunga kaihhruai Working Committee on Lengpui Airport te chuan an zirchianna report Chief Minister Lalduhoma hnenah an hlan a. Working Committee hian India ram hmundanga Airport engemawzat, Airport Authority of India kuta awm mekte an enkawl zui dan te leh Private Company ten (PPP Mode-a) an kuta awm an enkawl dan te zirchiangin Mizoram tana hlawk ber tur an ngaihtuah a. Chief Minister hnenah hian report thehlutin thutlukna erawh Chief Minister Lalduhoma kaihhruai Council of Ministers Meeting kutah a awm a ni.