NDMA atangin rawn tlawh

Zonuna Kawlni (LENKAWL) • August 1, 2024 • Comments • Mizoram

Sawrkar laipui atanga lo kal National Disaster Management Authority (NDMA) Technical Expert Group te chuan niminpiah khan DM&R Minister K. Sapdanga chu a Pisa-ah an kawm a, heng NDMA Technical Expert Group te hi Brig. Ravinder Gurung, Sr. Consultant (ME&IRS), Dipali Jindal, Sr. Consultant (Landslide & Avalanche) leh Antony Joh Moothedan, Project Associate, UFRMP, Mitigation Division te an ni a. Mizoram-a an cham chhung hian Cyclone Remal avang leh tunhnaia khuarel chhiatna thlenna hmun hrang hrang te an tlawh dawn a, Vawiin hian Mizoram an chhuahsan leh dawn a ni. NDMA Expert Group te hian chhiatrupna a lo thlena tlawm-ngai pawl leh khua leh tuite tanhona an hmuh te chu India ramchhungah pawh a tluk awm lo hial nia an hmuh thu an sawi a ni.