National Handloom Day lawmna NABARD in buatsaih

Niminpiah August 7, 2024-a ‘National Handloom Day’ pualin NABARD, Mizoram Regional Office chuan Aizawl-ah Puantahtute tan he ni pual hian Programme an buatsaih a, Dawr hrang hrang hawn a ni.

National Handloom Day pual hian Aizawl-a Vanapa Hall bul kawngpui dungah NABARD chuan State puma puantahtu pawl hrang hrangte tan Stall 14 a ruahman sak a. Hemi atan hian NABARD NGO partner, Angel Business Promoter of Mizoram (ABPM) chuan tul leh pawimawh te an buaipui a. Mizoram-a Handloom Sector ziarang leh hausa tak bakah sum leh pai dehchhuah kawnga a pawimawh dante hlawhtling taka pholan niin, NABARD-in Handloom Industry thlawp leh tihhmasawn a tumna chu a nemnghet nawn leh tih sawrkar thuchhuah ah tarlan a ni.

He hunah hian Pankaja Borah, General Manager/Officer-in-Charge (GM/OiC) NABARD; Prof. Rama Ramaswamy, Mizoram University leh NABARD Official bakah Angel Business Promoter of Mizoram aiawhte an tel a. Pankaja Borah-i chuan National Handloom Day puala Stall hrang hrangte hawngin kumtina August ni 7-a hman thin National Handloom Day tobul leh a pawimawh dante a sawifiah a. Puantahtu leh kut themthiamte hmalakna chhuanawm tiin, Handloom leh Handicraft tihhmasawn nana NABARD atanga Scheme hrang hrang awmte a tarlang a. Heng zingah hian puantahtute tana Skill Training leh Capacity building, an siamchhuah danglam bikte GI registration tih leh Market zau zawk an neih theih nana Online Digital Platform (ONDC) a phochhuahte a tel a ni.