MLA Fund cheng nuai 100 theuh pekchhuah a ni

ZPM party chuan thuchhuah siamin ZPM kaihhruai kalphung thar sawrkârah MLA-te hnenah MLA Fund zâtve, cheng nuai 100 theuh tum khata pekchhuah a ni tih an sawi.

Nimin-a thuchhuah an siamah ZPM Party chuan Sawrkâr hun dangah chuan MLA Fund hi tlem tè tè-in Installment 4-te a pekchhuah a nih thin thu sawiin, MLA leh bial mipuite tân hmasawnna hna tak tak thawh dawnin a buaithlâk thin hle niin an sawi a. Hetihlai hian kalphung thar sawrkârah MLA 40-te'n cheng nuai 100 theuha an chan tur cheng vbc. 40 pekchhuah a ni chu sawrkârin hmasawnna hnathawh kawng a taka a ngaihtuahzia a tilang chiang hle nia sawiin, Ruling mai ni lo, Opposition lam bialtu MLA-te pawhin thlamuanthlâk an ti hle niin an sawi.

ZPM chuan MLA Fund kan tih mai MLA Local Area Development Scheme hi bial chhûng cheina tur leh bial mipuite tihhmasawnna tur a nih avângin sawrkâr tharin a ngai pawimawh hle tih an sawi a, MLA Fund pawh kum khata cheng nuai 150 ni thin chu cheng nuai 200-ah tihbelh a lo ni tawh tih an sawi bawk.