Kumin ah thi aiin piang tam

Zonuna Kawlni /

Additional Chief Registrar of Births & Deaths, Directorate of Economics & Statistics Pisa in a tarlan danin kumin chhungin Mizoram-ah nau piang 9,673 an awm tawh a, mitthi 3,932 an awm tawh a, kumin chhunga Mitthi chhinchhiah te hi Mamit District-ah 162, Kolasib District-ah 296, Aizawl District-ah 1821, Champhai District-ah 296, Serchhip District-ah 198, Lunglei District-ah 316, Lawngtlai District-ah 369, Siaha District-ah 135, Saitual District-ah 149, Khawzawl District-ah 116 leh Hnahthial District-ah 75 te an ni.

Economics & Statistics Department hnuaiah hian Mizoram chhungah Registration Unit 881 awmin 810 atangin report dawn a ni a, hei hi za zela 91.94 a ni a. Report an dawn chinah tun thla chhungin Aizawl District-ah nau piang 23, Champhai District-ah 4, Lunglei District-ah 6, Lawngtlai District-ah 2, Siaha District-ah 4, Saitual District-ah 2, Khawzawl leh Hnahthial District-ah pakhat ve ve awmin nau piang mipa 23, hmeichhia 21 an vaiin 44 an awm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »